Policia e Kosovës jep detaje për arrestimin e të tre serbëve në Prishtinë që blenë emblema të UÇK-së

February 27, 2022February 27, 2022 user 1

Policia e Kosovës ka dhënë detaje lidhur me arrestimin e tre shtetasve të Serbisë, të cilët dyshohet se kanë blerë emblema të UÇK-së në Prishtinë.

Përveç tyre, edhe dy persona të tjerë, shtetas të Kosovës janë arrestuar bashkë me ta gjatë mbrëmjes të së shtunës.

Siç njofton Policia, ndaj të dyshuarve janë duke u bërë verifikimet e nevojshme në koordinim me Prokurorinë Speciale të Kosovës.

Lexo më shumë Kurti mesazh BE-së: Kontrolloni progresin në lidhje me progresin demokratik dhe reformat e BE-së në rajon dhe pastaj bazoni politikat mbi ato të dhëna

“Policia e Kosovës ka ndaluar pesë (5) persona; dy (2) shtetas të Kosovës dhe tre (3) shtetas të Serbisë, ndaj të cilëve janë duke u bërë verifikimet e nevojshme në koordinim me Prokurorinë Speciale të Republikës së Kosovës. Për procedurat e mëtejshme jemi në konsultim me Prokurorin kompetent derisa të kryhen verifikimet e nevojshme”, thuhet në njoftimin e Policisë.

Mësohet se njëri nga të arrestuarit në këmbim të shtetësisë serbe, i ka kërkuar një qytetari të Kosovës që ta dërgojë në dy dyqane ku ka uniforma ushtarake. Në dyqanin e fundit ka blerë edhe emblemat e UÇK-së, raporton KosovaPress.

Lexo më shumë Politikani serb: Kam bërë padi në GjND për të gjitha krimet serbe të kryera në Kosovë

Të njëjtëve u është caktuar masa e paraburgimit për 48 orë.

Rruga Press