Policia boshnjake bastis zyrat e partive separatiste serbe

Policia boshnjake të mërkurën e bastisi selinë qendrore të Partisë Popullore Serbe si masë kundër prirjeve separatiste nga disa nga udhëheqësit serbë të Bosnjës.

Forcat e Agjencisë së Hetimeve dhe Mbrojtjes e kryen operacionin në qytetin e Banja Lukës, kryeqytet administrativ e Republikës Serbe, shkruan Anadolu.

Operacioni erdhi pasi prokurorët në Bosnjë e Hercegovinë të hënën nisën një hetim për disa politikanë të Republikës Serbe, disa javë pasi ligjvënësit serbë kërcënuan me largim nga institucionet boshnjake, nëse qeveria nuk i zgjidh sfidat politike të vendit.

Pas bastisjes së selisë qendrore të Partisë Popullore Serbe, forcat e sigurisë e bastisën edhe selinë qendrore të Lëvizjes Demokratike Kombëtare për të kërkuar dokumente si pjesë e hetimeve për sulm ndaj rendit kushtetues, thuhet në një deklaratë zyrtare.

Lexo më shumë  Samiti BE-Ukrainë, Kievi: Sinjal i fuqishëm edhe për partnerët, edhe për armiqtë

Të hënën, prokurorët thanë se kanë nisur hetim për deklaratat provokuese të udhëheqësit të serbëve të Bosnjës, Milorad Dodik, më 11 dhjetor, i cili ligjvënësve të Republikës Serbe u tha se ndarja e Bosnjës e Hercegovinës është e pashmangshme, nëse “ne s’mund t’i tejkalojmë situatat e vështira në të cilat jemi”.

Pasi ligjvënësit serbë bënë plane për të krijuar ligje dhe procedura të ndara qeveritare, ambasadat e Shteteve të Bashkuara, Britanisë, Francës, Gjermanisë dhe Italisë në Bosnjë e Hercegovinë dhe delegacioni i Bashkimit Evropian e kritikuan ashpër këtë lëvizje dhe i bënë thirrje kuvendit serb që të heqë dorë nga vendimet e tij.

Lexo më shumë  Gjermania konfirmon miratimin e lejes për dorëzimin e tankeve “Leopard 1” në Ukrainë

Rruga Press

YouTube player

Leave a Reply

Your email address will not be published. Required fields are marked *

AlbanianEnglishFrenchGermanItalianPortuguese