Podujeva bëhet me objekt të Poliklinikës Specialistike, Bulliqi: Qytetarët së shpejti nuk do të jenë më të detyruar të udhëtojnë në Prishtinë

June 11, 2024 user 1

Kryetari i Komunës së Podujevës, Shpejtim Bulliqi dhe drejtori i Shërbimit Spitalor, Klinik Universitar të Kosovës (SHSKUK), Elvir Azizi, nënshkruan marrëveshje (kontratë) për shfrytëzimin afatgjatë të objektit që është i dedikuar për Poliklinikë Specialistike.

Në njoftimin për media thuhet se ky objekt që është pronë e Komunës së Podujevës, në bazë të kësaj kontrate i jepet SHSKUK-së në shfrytëzim afatgjatë pa pagesë.

Lexo më shumë Shqipërisë po i ikin të rinjtë, 62% e emigrantëve nën 35 vjeç

Ndërkohë, SHSKUK-ja do të bëjë rekrutimin e stafit të mesëm dhe blerjen e disa pajisjeve të nevojshme, për të cilat tashmë i kanë nisur procedurat e prokurimit.

“Pas nënshkrimit të marrëveshjes-kontratës, kryetari Bulliqi u shpreh i lumtur që qytetarëve të Podujevës shumë shpejt do t’u ofrohen shërbime specialistike në komunën e tyre, për të cilat deri tash janë detyruar të udhëtojnë në Prishtinë”, thuhet në njoftimin.

Lexo më shumë Shembjet në korridorin VIII dëshmojnë për keqmenaxhimin si model qeverisje

Në këtë ceremoni të pranishëm kanë qenë edhe ministri për Shëndetësi, Arben Vitia dhe drejtoresha e Shëndetësisë dhe Mirëqenies Sociale e Podujevës, Adelina Stublla.

Rruga Press