Po të kishin rregjistruar mjekët klinikat e tyre private jashtë Kosovës si do të reagonin mediat tona “të pavarura”?

Nga Jusuf Ulaj

Disa pyetje logjike që i bënë çdo njeri normal në Kosovë kur është në pyetje media dhe “fjala e lirë”

1. Pse u dashka një media të rregjistrohet jashtë shtetit në të cilin vepron dhe larg publikut qe informon?

2. Pse bash në Serbi e pastaj të bartet në Maqedoni?

3. Pse në emër të personave dhe jo të kompanisë që është pronare reale?

4. Pse Peć – Serbia e jo Pejë – Kosovë?

5. Çfarë hallit kanë pronarët e kompanive (mediave) që anashkalojnë vendin e vet?

6. Çka po mshefet dhe kujt po i ikin?

7. Kujt i shërbejnë dhe kush i financon – rrjedha e parasë, hyrjet, daljet, sponzoret …

8. Pse shumica e mediave në Kosovë janë bashkë dhe asnjëri nuk i parashtron as diskuton këto çeshtje?

9. Pse nuk ka debate të “analistëve” për dhe kundër këtyre manipulimeve?

10. A ka ndonjë media në Serbi apo shtete tjera te rajonit që është e rregjistruar në Kosovë apo ndonjë vend tjetër?

11. Pse nuk ka asnjë reagim nga opozita apo ndonjë pyetje parlamentare për këtë çeshtje? A është mardhënje kontraktuale me oligarkë apo edhe këto “lëshime teknike” po shfrytëzohen për akuza kundër qeverisë?

12. Liria e shprehjes a vlen edhe për ne qytetarët apo vetëm për mediat – se ku me dijtë si do të interpretohet kjo qe unë shkruaj tani?

13. Po të kishin rregjistruar mjekët klinikat e tyre private jashtë Kosovës si do të reagonin mediat tona “të pavarura”?

Ka edhe shumë PSE-he tjera me të cilat duhet të merren institucionet kompetente qe t’i sqarohet saktësisht publikut e vërteta.

Rruga Press