Po mbante fjalim për krizën në vend, Netanyahu sulmohet nga familjet e pengjeve të Hamasit

December 26, 2023 User2

Kryeministri izraelit, Benjamin Netanyahu, u sulmua nga familjet e pengjeve të mbajtura nga Hamasi, teksa ai mbajti një fjalim, ditën e djeshme, mbi krizën në vend.

Sipas mediave të huaja, të afërmit që mbanin pankarta dhe kërkonin kthimin e të dashurve të tyre u mblodhën jashtë bazës Kirya në Tel Aviv, teksa lideri izraelit fliste.

Lexo më shumë Polonia zgjeron ushtrinë në mbi 220,000 personel për shkak të shqetësimeve për sigurinë

Ndërkohë kujtojmë se pavarësisht rritjes së presionit ndërkombëtar për një ndalesë, Izraeli ka thënë se është i vendosur të shkatërrojë aftësitë qeverisëse dhe ushtarake të Hamasit pas sulmit të 7 tetorit.

Ditën e djeshme gjatë fjalës së tij, udhëheqësi izraelit u zotua të vazhdojë luftën kundër militantëve të Hamasit dhe u tha ligjvënësve nga partia e tij Likud, se lufta ishte larg përfundimit.

Lexo më shumë Rumania ndal reaktorin e dytë të centralit bërthamor për shkak të nivelit të ulët të Danubit

“Ne nuk po ndalemi. Ne po vazhdojmë të luftojmë dhe po e zgjerojmë luftën në ditët në vijim. Do të ketë një betejë të gjatë dhe nuk është afër përfundimit”, u shpreh Netanyahu.

Rruga Press