Pesë anije të tjera me grurë nisen nga portet e Ukrainës

August 16, 2022 user 1

Pesë anije të tjera me misër dhe grurë janë larguar nga portet e Ukrainës duke transportuar misër dhe grurë.

Tre anije janë larguar nga Chornomorsk dhe dy nga Pivdennyi, konfirmoi Ministria e Mbrojtjes e Turqisë, shkruan Reuters.

Një nga anijet që u nis të martën ishte “Brave Commander”, duke transportuar ngarkesën e parë të ndihmave ushqimore humanitare nga Ukraina për në Afrikë që nga pushtimi i Rusisë.

Lexo më shumë I nominuari i Trumpit për shef të Pentagonit sulmon NATO-n e OKB-në

Moska dhe Kievi arritën marrëveshje muajin e kaluar për rikthimin e eksporteve. Marrëveshja u arrit nën ndërmjetësimin e Turqisë dhe OKB-së.

Marrëveshja kërkon që një ekip ndërkombëtar, i përbërë nga zyrtarë nga Turqia, OKB-ja, Rusia dhe Ukraina të mbikëqyrin inspektimet dhe kalimin e anijeve nëpër Bosfor.

Ukraina shpreson të rrisë eksportet e saj detare në mbi 3 milionë ton drithë dhe produkte të tjera bujqësore në muajt e ardhshëm.

Lexo më shumë Bllokohet nisma hungareze për avancimin e integrimit të Serbisë në BE

Rruga Press