OKB kundërshton vendimin e Estonisë për ndalimin e vizave për rusët

Organizata e Kombeve të Bashkuara (OKB) ka reaguar ndaj vendimit të Estonisë për të ndaluar lëshimin e vizave Shengen për shtetasit e Rusisë dhe ndalimin e hyrjes së tyre në vend.

Zëdhënësi i Sekretarit të Përgjithshëm të OKB-së tha se me vendosjen e masave të tilla, Estonia po diskriminon qytetarët e Rusisë, shkruan Schengen Visa Info.

Duke komentuar vendimin e Estonisë, zëdhënësi tha se çdo vend ka të drejtë të zbatojë politikat e veta për vizat dhe në të njëjtën kohë, theksoi se OKB-ja kundërshton diskriminimin.

Autoritetet estoneze njoftuan javën e kaluar se duke filluar nga 18 gushti, vendi nuk do të lëshojë më viza për qytetarët e Rusisë.

Përveç kësaj, rusët që tashmë kanë një vizë Shengen të lëshuar nga Estonia nuk do të lejohen të hyjnë.

Rruga Press