“Përveç Trumpit, Musk tani është përhapësi më i madh i dezinformatave rreth zgjedhjeve”

Elon Musk, cilësohet si konspiracionist i ekstremit të djathtë dhe është kritikuar nga aktivistët vizualë të grupit “Led By Donkeys” për përhapje të dezinformatave gjatë zgjedhjeve presidenciale amerikane.

Aktivistët kanë projektuar një video në murin e selisë evropiane të Teslës në Amsterdam, me titullin “Si Musk e shkatërroi Twitter-in dhe ndihmoi në zgjedhjen e Trumpit”.

Në video, grupi e akuzon pronarin e SpaceX se e keqpërdori pasurinë e madhe për ta ndihmuar një person të dënuar që të fitojë zgjedhjet, shkruan skynews.

Videoja paraqet një kronologji të rasteve të vitit 2024, ku miliarderi ka shpërndarë dezinformata dhe teori konspirative në platformën X dhe si ka përdorur pronësinë mbi platformën për të promovuar mesazhet e tij.

“Musk ka postuar më shumë se 3000 herë në X gjatë muajit të fundit, përfshirë dhjetëra pretendime të pabazuara rreth zgjedhjeve që janë parë qindra miliona herë”, thuhet në video.

“Përveç Donald Trumpit, Musk tani është përhapësi më i madh i dezinformatave rreth zgjedhjeve”, thotë grupi.

Donald Trump fitojë zgjedhjet e mbajtura gjatë ditës së martë ndaj demokrates, Kamala Harris.

Rruga Press