Përfundojnë takimet e Kurtit me udhëheqësit evropianë

October 26, 2023 user 1

Kryeministri i Kosovës, Albin Kurti, ka përfunduar takimet me udhëheqësit evropianë, në margjina të një samiti të Bashkimit Evropian në Bruksel.

Kreu i ekzekutivit kosovar është takuar me liderët e Gjermanisë, Francës dhe Italisë.

Takimet e parapara për në orën 14:00 kanë nisur pas gjysmë ore për shkak se kryeministrja e Italisë, Giorgia Meloni, ka arritur me vonesë.

Lexo më shumë Aeroporti i Vlorës drejt arbitrazhit, pse Shqipëria rrezikon të paguajë qindra milionë euro

Takime të tilla si Kurti po zhvillon ndaras edhe presidenti i Serbisë, Aleksandar Vuçiq.

Sipas zëdhënësit të BE-së, Peter Stano, ato janë vazhdimësi e procesit që filloi fundjavën e kaluar, kur e ashtuquajtura “pesëshe e madhe” e të dërguarve perëndimorë vizitoi Prishtinën dhe Beogradin.

Ndërsa, i dërguari special i BE-së për dialogun Kosovë-Serbi, Miroslav Lajçak para fillimit të takimeve ka thënë se nuk negociojnë në mënyrën “merre ose lëre”.

Lexo më shumë Policia gjen veshje dhe pajisje ushtarake të fshehura në një puset në veri të Mitrovicës

Rruga Press