Përfaqësuesi amerikan: Rusia armiku numër 1 gjeopolitik, Putini do të pushtojë të gjithë Ukrainën

Pas vendimit të presidentit rus Vladimir Putin për të urdhëruar trupat ruse në dy rajone separatiste pro-Moskë në Ukrainën lindore, republikani Ted Lieu tha se veprimet dhe fjalët e Putinit tregojnë se “qëllimi dhe synimi i tij është të marrë nën kontroll të gjithë Ukrainën”.

“Ky veprim i Putinit konfirmon më tej se senatori Mitt Romney kishte të drejtë kur e quajti Rusinë armikun numër 1 gjeopolitik. Varësisht se ku shkojnë forcat e tyre, mund të përcaktojë nëse ne do të hyjmë në një luftë shumë të madhe apo jo”, tha Lieu për Wolf Blitzer të CNN.

“Nëse Putini thjesht dërgon forcat në rajonet ekzistuese në Donbas, ku separatistët e mbështetur nga Rusia tashmë kontrollojnë ato rajone, kjo do të jetë ndryshe nga ajo nëse ai dërgon forcat e tij në rajonet në të cilat forcat ukrainase aktualisht kontrollojnë. Kjo mund të jetë shumë keq. ” vazhdoi Lieu.

“Ajo që patë në fjalimin e Putinit sot është një histori revizioniste, dhe ai nuk po thotë vetëm se këto rajone duhet të bien nën kontrollin rus. Ai në thelb thotë se i gjithë Bashkimi Sovjetik nuk duhet të ishte shembur dhe ai dëshiron të rindërtojë Rusinë përsëri në atë që ishte Bashkimi Sovietik ,” tha Lieu, duke shtuar, “kjo është shumë e rrezikshme.”

Lieu thotë se mendon që Putini po dërgon një mesazh të qartë se cila mund të jetë axhenda e tij e përgjithshme.

“Nëse shikoni grumbullimin e trupave të tij përgjatë kufirit, nëse shikoni fjalimin e tij, atëherë më duket shumë e qartë se qëllimi dhe synimi i tij është të marrë nën kontroll të gjithë Ukrainën”, tha ai.

©Rruga Press