Për mijëra vrasje në Kosovë, asnjë vrasës serb nuk u dënua sa Sali Mustafa!

Nga Emin Azemi

Sot, Salih Mustafa ish-komnadant i UÇK-së u denua me 26 vjet burg, nga nje gjykatë që thirret ne emrin e popullit te Kosovës.

Në luftën e fundit në Kosovë, sipas të dhënave zyrtare, Serbia ka vrarë më shumë se 13 mijë persona.

Sipas këtyre të dhënave dhe faktimeve, janë dhunuar 20 mijë gra e mijëra të tjerë vazhdojnë të jenë ende të zhdukur.

Për krejt këto, nga Tribunali Ndërkombëtar për ish-Jugosllavi në Hagë, njeriu kryesor i Sllobodan Millosheviç për Kosovë, Nikola Shainoviç ishte dënuar me 22 vjet burgim. Pas apelit, dënimi iu zvogëlua në vetëm 18 vjet dhe pasi mbajti dy të tretat e dënimit u lirua fare për sjellje të mirë. Pra 12 vjet burgim për mbi 13 mijë të vrarë.

Dragoljub Ojdaniç, Shefi i Shtabit të Përgjithshëm të Ushtrisë Jugosllave në Bosnje dhe Hercegovinë dhe në Kosovë, përgjegjës për krime në luftën e Bosnjës dhe personi kyç në operacionin e deportimit të shqiptarëve nga Kosova, mori vetëm 15 vjet dënim, për dhjetëra vepra për të cilat akuzohej në kuadër të aktakuzës për kryerjen e krimeve të luftës dhe krimeve kundër njerëzimit.

Kolegu i tij, Komandanti i forcave të ushtrisë së Jugosllavisë në Prishtinë, Vladimir Lazareviç, u dënua edhe vetem me 14 vjet burgim.

Përgjegjesi për krimet e luftës dhe krimet kundër njerëzimit të shkaktuara nga policia e Serbisë në Kosovë, Sreten Lukiç, nuk kishte marrë më shumë se 20 vjet dënim nga Tribunali Ndërkombëtar.

Lukiç, në kohën e luftës, ishte Shef i Ministrisë së Punëve të Brendshme të Serbisë (MUP-it) për Kosovë.

Kjo është ajo Gjykata Speciale për të cilën dikur në Parlamentin e Kosovës deputetët ndaheshin në “tradhëtarë” dhe “heronjë”. Ata që ishin kundër, shpalleshin “tradhëtarë”, ndërkohë që, fatkeqësisht heronjtë e vërtetë po vuajnë pasojat e kësaj Gjykate në Hagë.

Njësoj ka me ndodhë edhe me Asociacionin një-etnik të më pak se 5% të serbëve të Kosovës, që është paradhoma e bosnjizimit të Kosovës…

Vetëm ne shqiptarët sikur jemi të specializuar për vetëngulje!

Historia e vetëngluljeve shqiptare është e gjatë, sa është e gjatë vet spiralja e pasojave që po i vuajmë edhe sot… /e.a

Rruga Press