Për herë të parë në histori, një gjyqtare shqiptare do të ndajë drejtësinë në Ligën e Kampionëve

January 29, 2024 User2

Për herë të parë në histori një gjyqtare shqiptare do të gjykojë një ndeshje të Ligës së Kampionëve për vajza.

UEFA ka përzgjedhur Emanuela Rustën si gjyqtaren që do vendosë drejtësi në ndeshjen mes Benfikës dhe Barcelonës.

Jo vetëm kaq, por si ndihmëse Rusta do ketë gjyqtaren tjetër shqiptare Edjena Kapxhiu. Më herët si Rusta ashtu edhe Kapxhiu kishin ndarë drejtësinë deri në ndeshjet kualifikuese, por pa arritur në këto nivele.

Lexo më shumë “Do ishte festë globale për të gjithë shqiptarët”, Stakosha flet për FIFA-n: Ndaj Polonisë është një finale, besojmë

Prej 30 qershorit 2023 Rusta është ngjitur në Kategorinë e Parë të gjyqtareve të UEFA-s, ndërsa shpesh ajo gjykon edhe ndeshje të meshkujve në Superligën shqiptare.

Ndeshja mes Benficës dhe Barcelonës është programuar të luhet në Seixal të Portugalisë më datë 31 janar, prej orës 21:00.

Ky është një tjetër lajm i shkëlqyer dhe një sukses për arbitrimin shqiptar dhe Federatën Shqiptare të Futbollit, që marrin një vlerësim të tillë nga UEFA.

Lexo më shumë Sylvinho për mediat braziliane: Shqiptarët janë të jashtëzakonshëm, kemi bërë punë të shkëlqyer

Kjo vërteton edhe një herë rritjen e arbitrimit shqiptar dhe përfaqësimin në nivele të larta të skenës së futbollit evropian e botëror.

Rruga Press