Kurti dhe Sveçla vizitojnë Inspektoratin Policor, prezantohen angazhimet dhe arritjet e IPK-së në vitin 2023

January 29, 2024 User2

Gjatë ditës së sotme, kryeministri i Kosovës, Albin Kurti, i shoqëruar edhe nga ministri i Punëve të Brendshme, Xhelal Sveçla, vizituan Inspektoratin Policor të Kosovës, ku u pritën nga kryeshefi ekzekutiv, Kushtrim Hodaj.

Në këtë takim u prezantuan angazhimet dhe arritjet e IPK-së gjatë vitit 2023 si dhe prioritetet e vitit 2024, sipas komunikatës së zyrës së kryeministrit.

Lexo më shumë Snezhana Paunoviq ishte pjesë e strukturave paralele të Serbisë në Kosovë, në vitin 2018 ajo mbante poziten e u.d. Drejtoreshës së Institucionit Farmaceutik në Pejë

“Në takim u prezantuan angazhimet dhe arritjet e IPK-së gjatë vitit 2023 si dhe prioritetet e vitit 2024. Profesionalizmi dhe angazhimi i Inspektoratit Policor të Kosovës reflekton në efikasitetin dhe ngritjen e kapaciteteve të Policisë së Kosovës”, thuhet në komunikatë.

Në mesin e temave të diskutuara ishin dhe rëndësia e trajtimit efikas të rasteve të raportuara nga qytetarët, ruajtja e të dhënave të raportuesve si dhe trajtimi i paanshëm dhe profesional i rasteve të pranuara.

Lexo më shumë Pse i duhej Edi Ramës edhe një herë trupi i pajetë i Martin Canit

Duke shprehur mirënjohje për punën dhe angazhimin e tyre, Kurti falënderoi Inspektoratin dhe përfaqësuesit për bisedën dhe përkushtimin e vazhdueshëm dhe ofroi mbështetjen e mëtutjeshme në realizimin e detyrave të tyre.

Rruga Press