Bota

Për dallim nga Gjermania, ambasadori amerikan në Beograd nuk sheh shumë manipulime në zgjedhjet e Serbisë

user 1

Christopher Hill, ambasadori i Shteteve të Bashkuara të Amerikës në Serbi, ka bërë të ditur përmes një video-mesazhi se nuk ka demokraci pa zgjedhje dhe se zgjedhjet janë thelbi i procesit demokratik.

Ai gjithashtu tha se qeveria amerikane pret vazhdimin e bashkëpunimit me Qeverinë e Serbisë për çështjet me interes të përbashkët.

“Kjo sigurisht përfshin çështjet rajonale, por edhe dëshirën e Serbisë për t’u bërë plotësisht pjesë e familjes së kombeve perëndimore”, tha diplomati amerikan përmes platformës X.

Lexo më shumë  Përfundojnë bisedimet mes Ukrainës dhe Rusisë në Gjenevë, Zelensky: Moska po përpiqet të zgjatë negociatat e paqes

Ai ka thënë se Serbia duhet të arrijë shumë gjëra që të jetë e gatshme për këtë rrugëtim, e njëra prej tyre është sundimi i ligjit.

Hill tha gjithashtu se zgjedhjet janë një “stres test” për demokracinë dhe kjo vlen për çdo vend.

Ndryshe, shteti gjerman si dhe shumë deputetë dhe zyrtarë evropianë kanë kritikuar organizimin e zgjedhjeve duke theksuar blerjen e votave prej partisë në pushtet, SNS-ë, e cila kohë më parë është udhëhequr nga presidenti aktual serb, Aleksandar Vuçiq.

Lexo më shumë  BE do të dërgojë komisioner për Mesdheun në takimin e Bordit të Paqes të Trumpit

Të enjten, edhe analisti i politikave të jashtme, Edward P. Joseph thumboi Hillin për heshtjen e tij dhe vonesën në reagim, ndërkohë që listoi të gjithë institucionet dhe figurat e larta politike që kanë kritikuar procesin e parregull zgjedhor në zgjedhjet e fundit në Serbi.

Rruga Press

YouTube player