Pensionistët në Shqipëri në protestë. Protesta e gjashtë para Kryeministrisë: Nuk tërhiqemi!

Pensionistët protestuan sërish para Kryeministrisë duke kërkuar vendosjen e minimumit jetik në vend. Në fjalën e tyre theksuan se nuk po kërkojnë masa të jashtëzakonshme ndërsa shtuan se nuk do ti ndalin tubimet
Dhjetëra pensionistë tubuan për herë të gjashtë para Kryeministrisë.

Me mbështetjen e lëvizjes Bashkë kërkuan vendosjen e minimumit jetik, por jo vetëm për ta.

Arlind Qorri theksoi se kërkesa nuk janë të paarsyeshme apo dhe të paarritshme.

Theksuan se protestat nuk do të ndalojnë deri në arritjen e kërkesës.

Në fakt një ditë më parë mazhoranca në komisionet parlamentare rrëzoi edhe kërkesën e demokratëve për një ligj përmes të cilit vendoset minimum jetik.

Për PS kërkesat janë vetëm një show politik në prag të zgjedhjeve parlamentare.

Një grupim pensionistësh kanë nisur një protestë ditën e sotme para godinës së Kryeministrisë në Tiranë. Një prej tyre u shpreh i indinjuar për rritjen e çmimeve, ndërsa shtoi se ‘pensionistët nuk janë derra’ që të mashtrohen me një shportë.

Rruga Press