Pas Escobar e Lajçak, së shpejti viziton Kosovën edhe emisari britanik, Stuart Peach

February 2, 2022 user 1

Përfaqësuesi special i Mbretërisë së Bashkuar për Ballkanin Perëndimor, Stuart Peach pritet që së shpejti të qëndrojë për një vizitë zyrtare në Kosovë.

Peach i cili është duke qëndruar për një vizitë zyrtare në Maqedoninë e Veriut, po ashtu pritet të vizitojë edhe Kosovën.

Kështu kanë konfirmuar për Telegrafin nga Zyra e Kryeministrit të Kosovës.

Ende nuk dihet agjenda e emisarit britanik në Kosovë, ndërkaq në Maqedoni të Veriut ai ka zhvilluar takime me krerët e shtetit dhe opozitën atje.

Lexo më shumë Ngjyra, piktura dhe… protestë! 40 ditë revoltë popullore. Veç pankartave të veçanta, vogëlushët, risia e tubimeve para Kryeministrisë. Të pranishëm që nga dita 1

Zëvendësndihmësi i sekretarit amerikan të Shtetit për Evropën dhe Euro-Azinë, Gabriel Escobar, njëherësh i dërguar i SHBA-së për Ballkanin Perëndimor së bashku me të dërguarin e Bashkimit Evropian për dialogun Kosovë-Serbi, Mirosllav Lajçak, kanë qëndruar në një vizitë zyrtare në Kosovë.

Të hënën, ata zhvilluan takime me presidenten Vjosa Osmani si dhe kryeministrin Albin Kurti, në këto takime u rikonfirmua edhe një herë mbështetja për dialogun me Serbinë.

Lexo më shumë U ndalua në kufi nga policia, deputeti Qoku: Kam mbështetur protestën, po na trajtojnë si armiq të Shqipërisë

Dyshja pohoi se BE dhe SHBA po punojnë bashkërisht sa i përket dialogut në Bruksel dhe mënyrës se si ai do të vazhdojë në të ardhmen.

Rruga Press