Pas Britanisë, edhe Holanda do të zbusë masat kundër koronavirusit duke filluar nga sot

January 26, 2022 user 1

Qeveria e Holandës ka thënë se do të zbusë kufizimet e vendosura për ta luftuar përhapjen e COVID-19, nga e mërkura, njofton BBC.

Baret, restorantet dhe muzetë, u mbyllën në Holandë që nga 18 dhjetori për të parandaluar përhapjen e variantit Omicron.

Por, përkundër kufizimeve, rastet me COVID kanë vazhduar të rriten, duke shkuar tash deri në 60 mijë raste ditore.

Lexo më shumë Gjermania do të dislokojë njësi detare në Mesdhe para një misioni të mundshëm në Ngushticën e Hormuzit

Kryeministri i Holandës, Mark Rutte, në konferencë për media ka thënë se shteti po “merr rreziqe” dhe po i zbut masat.

Rutte, që është përballur me thirrje të vazhdueshme për zbutje të masave në javët e fundit, pas rënies së numrit të vdekjeve dhe pranimeve në kujdes intensiv, ka shtuar se rregullat e reja do të jenë në fuqi deri më 8 mars.

Kafenetë, baret dhe restorantet do të lejohen të qëndrojnë hapur deri në ora 22:00, mirëpo do të kërkohet nga klientët të paraqesin dëshminë e vaksinimit apo se kanë kaluar së fundi virusin.

Lexo më shumë Palestinezët votojnë për herë të parë që nga fillimi i luftës

Klubet e natës do të mbesin të mbyllura, ndërsa kapacitetet në ngjarjet sportive e kulturore do të limitohen në 1250 persona.

Rruga Press