Parashikimi i motit për këtë të enjte

Sipas Meteoalb, kjo e enjte do të jetë e dominuar nga vranësira të dendura dhe reshje të izoluara gjatë paradites. Mesdita do të  sjellë zhvillim të vranësirave dhe reshje të konsiderueshme përgjatë vijës bregdetare, më pak reshje do ketë në brendësi të territorit ku në zonat e thella malore priten reshje dëbore.

Temperaturat e ajrit rriten ndjeshëm në mëngjes por rriten lehtë në mesditë duke luhatur vlerat ditore nga 0°C deri në 16°C. Era do fryjë mesatare në tokë por e fortë në det me shpejtësi  65-70 km/h nga drejtimi jugor duke krijuar dallgëzim 6 ballë.