Panik në kabinetin e Vuçiqit: Në orët në vijim pritet njoftimi për një paketë të gjerë sanksionesh amerikane

January 10, 2025 user 1

Një delegacion amerikan i kryesuar nga zëvendës Sekretari i Shtetit për Menaxhimin dhe Burimet, Richard R. Verma, ka mbërritur në Beograd dhe do të ketë takime me Vuçiqin sonte dhe nesër.

Sipas medias serbe Blic, presidenti i Serbisë, Aleksandar Vuçiq, ka thirrur në një takim në Presidencë ministra dhe të gjithë kabinetin e tij, si dhe të gjithë ekspertët e sektorit të energjisë.

Lexo më shumë Shteti në duart e Belinda Ballukut, pas dështimit për t’u bërë gjyqtare, motra e saj pritet të emërohet në krye të ASD-së

Siç raporton kjo gazetë, presidenca në orët në vijim pritet të publikojë vendimin për sanksione ndaj kompanisë serbo ruse NIS, kjo e fundit kompani bijë e Gazpromit rus.

Blic raporton se ekziston frika se sanksionet e NIS do të jenë shumë më të ashpra dhe pothuajse përjashtojnë pjesëmarrjen e kompanive ruse në NIS, që është një skenar shumë më i vështirë për Serbinë sesa pritej.

Lexo më shumë Keranov: Integrimi i Kosovës është kyç për stabilitetin e Ballkanit Perëndimor

Njëkohësisht, Vuçiq sonte do të ketë një takim edhe me ambasadorin e Rusisë në Beograd Igor Kalabuhov, me të cilin sigurisht do të konsultohet për situata të komplikuara.

Rruga Press