Pak para mbërritjes së Vuqiçit në Shqipëri, Qeveria miraton marrëveshjen për tregtimin e produkteve blegtoriale me Serbinë dhe Maqedoninë e Veriut
Në kuadër të nismës “Open Ballkan” Këshilli i Ministrave nënshkruan një marrëveshje bashkëpunimi në fushën e veterinarisë ushqimore, sigurisë ushqimore.
Në këtë mënyrë i hapet rruga eksportit të produkteve blegtorale duke përfshirë dhe kafshët e gjalla si dhe njihen çertifikatat e veterinarisë dhe njihen në mënyrë reciproke laboratorët e akredituar dhe autorizuar, tha ministrja e Bujqësisë Frida Krifca në një prononcim menjëherë pas mbledhjes së Këshillit të Ministave
“Qëllimi është të ulim kohën e tranzitit të transportit të mallrave. Eviton ndalesat në kontrollet e pikat e inspektimit kufitar dhe kryer kontrolle në doganën më të afërt me vendet e destinacionit” tha ministrja e Bujqësisë Frida Krifca.
Po kështu marrëveshja parashikon dhe shkëmbimin e informacionit në kohë reale.
Presidenti i Serbisë do të nisë sot një vizitë dyditore në Tiranë, në kuadër të nismës “Ballkani i Hapur” ku do të zhvillojë takim me kryeministrin Edi Rama dhe atë të Maqedonisë së Veriut.
Rruga Press