Paga luksi në Fondin Shqiptar të Zhvillimit, 5-fish mbi standardin
Regjistri i pagave në Shqipëri nxori në pah hendekun e madh mes individëve më të paguar dhe atyre që marrin rrogë minimale. Por, diferenca vihet re edhe në institucione.
Në Fondin Shqiptar të Zhvillimit, organizatë me 134 punonjës, fondi mujor i pagave është 40 milionë lekë.
Sipas hierarkisë, ato nisin nga 700 mijë lekë për rangun drejtues dhe deri në 70 mijë lekë për postet e ulëta.
Për të bërë një krahasim, në këtë institucion paga mesatare është 5 herë më e lartë sesa paga mesatare për të punësuarit në gjithë vendin.
Fondi Shqiptar i Zhvillimit është një prej institucioneve që merr pjesën më të madhe të tenderëve publikë.
Përpos investimeve në rajone dhe rrugë rurale, ky institucion ka fituar një sërë tenderësh në procesin e rindërtimit pas tërmetit të vitit 2019.
Rruga Press