Osmani takon ambasadorët e shteteve të BE-së: Urgjente heqja e masave të padrejta ndaj Kosovës

March 26, 2025 user 1

Presidentja e Kosovës, Vjosa Osmani, është takuar të mërkurën me ambasadorët e vendeve të Bashkimit Evropian.

Në takim ajo ka thënë se është urgjente që masat e BE-së ndaj Kosovës të largohen. Sipas njoftimit në Facebook, kanë diskutuar edhe hapat drejt konstituimit të institucioneve të reja të dala nga zgjedhjet e 9 shkurtit si dhe për procesin e dialogut të ndërmjetësuar nga BE-ja.

Lexo më shumë U helmuan nga ushqimi në Akademinë e Sigurisë në Shqipëri. Shkon në 64 numri i studentëve që përfunduan në spital! Veç kompanisë, nën hetim dhe AKU-ja

“Sot në takim me ambasadorët e vendeve të BE-së, theksova urgjencën e largimit të masave të padrejta ndaj Kosovës, që dëmtojnë qytetarët tanë dhe cenojnë vet parimet e BE-së”, ka shkruar Osmani.

Më tej, Osmani ka theksuar se Kosova mbetet e palëkundur në rrugëtimin e saj evropian dhe e përkushtuar për bashkëpunim me qëllim të avancimit në këtë rrugëtim.

Rruga Press

Lexo më shumë Toka bujqësore për të huajt, ekspertët paralajmërojnë pabarazi dhe rrezik për ish-pronarët