Osmani për dialogun Kosovë – Serbi: Ka më shumë presion për Kosovën, për të të ardhur keq

Presidentja e Republikës së Kosovës, Vjosa Osmani, ka deklaruar se është Kosova pala e cila po ka më shumë presion në dialogun Kosovë-Serbi.

E ftuar në “Radar” në Radio Dukagjini, Osmani ka thënë se pala serbe po përkëdhelet gjersa Kosova po dëshmon vlerat e saj proevropiane dhe jo vetëm.

“Ka presion më shumë për Kosovën sesa për Serbinë, që është për të të ardhur keq, sepse Kosova është vend 100 për qind proamerikane, pro sundimit të ligjit, shembull i demokracisë në rajon e më tej. Tani në raport jemi në top-treshen sa i përket zhvillimit dhe sundimit të ligjit, kurse Serbia një shtet autokratik që bashkërendit politikën e saj me Rusinë… po merret me të mirë, po përkëdhelet”, tha Osmani.

Vizita e saj në ambientet e Dukagjinit vjen me rastin e Ditës Ndërkombëtare të Presidentëve.

Rruga Press