Osmani për Aljazeera: Regjimi i Putinit duhet të bjerë, ose do të rrëzohet demokracia në botë

Në një intervistë për Al Jazeera, Osmani theksoi se të gjithë së bashku duhet të sigurojnë që regjimi i Putinit do të bjerë.

Presidentja e Kosovës Vjosa Osmani, ka deklaruar se nëse i lejojmë Presidentit Vladimir Putin të marë atë që do, atëhere do të jetë fundi i demokracisë. Në një intervistë për Al Jazeera, Osmani theksoi se të gjithë së bashku duhet të sigurojnë që regjimi i Putinit do të bjerë.

“Nëse ne e lejojmë Putinin që të merr atë që do, ky është fundi i demokracisë. Ky është fundi i rregullave të të drejtës ndërkombëtare. Për këtë arsye të gjithë së bashku vendet e mëdha dhe të vogla duhet që të punojnë së bashku që të ndalohet ajo se çka është duke bërë tani Rusia dhë të sigurohemi që regjimi i Putinit do të bjerë” tha ajo.

Presidentja tha se regjimet autokratike nuk kanë siguruar asnjëherë paqe të qëndrueshme në asnjë vend të botës.

Rruga Press