Osmani pas takimit me Sorensenin: Kosova meriton trajtim të barabartë në dialog

March 17, 2025 User2

Presidentja Vjosa Osmani pas takimit më të dërguarin special të Bashkimit Evropian për dialogun Kosovë-Serbi, Peter Sorensen, ka vlerësuar se Kosova meriton trajtim të barabartë në procesin e dialogut dhe në rrugën drejt BE-së.

Ajo ka thënë se masat e BE-së ndaj Kosovës po de dëmtojnë balancën në dialog.

Lexo më shumë PPP-të marrin 1 miliard euro nga shteti, gati gjysma e kontratave të koncesioneve janë nën hetim nga SPAK-u

Ajo ka thënë se në takim kanë diskutuar për dialogun Kosovë-Serbi të lehtësuar nga BE-ja, sigurinë në rajon dhe integrimin evropian të Kosovës.

“Kosova është dëshmuar tashmë si pala konstruktive në dialog, e angazhuar për paqe, demokraci e sundim të ligjit, prandaj mbajtja e masave të padrejta të BE-së ndaj vendit tonë po i dëmton jo vetëm qytetarët tanë por edhe balansin e nevojshëm në dialog”, ka shkruar Osmani.

Lexo më shumë FMN: Shqipëria po diplomon studentë që nuk i duhen kujt, rrënjët e problemit që në sistemin e arsimit parauniversitar

Rruga Press