Osmani mesazh të qartë Borrellit: Serbia duhet të mbahet përgjegjëse për shkeljen e marrëveshjes së 27 shkurtit
Presidentja e Kosovës, Vjosa Osmani, ka thënë se Serbia duhet të mbahet përgjegjëse për shkeljen e nenit 3 të marrëveshjes së 27 shkurtit, në një takim që pati me përfaqësuesin e Lartë të Bashkimit Evropian, Josep Borrell.
Në Twitter, Osmani ka shkruar se marrëveshja parashikon detyrimin për t’u përmbajtur nga përdorimi i forcës, gjë që Serbia, sipas presidentes, e ka shkelur me sulmin e armatosur më 24 shtator në Banjskë të Zveçanit.
“Serbia duhet të mbahet përgjegjëse për shkeljen e qartë të nenit 3 të marrëveshjes së 27 shkurtit të BE-së, e cila parashikon detyrimin për t’u përmbajtur nga kërcënimi ose përdorimi i forcës”, ka shkruar ajo në Twitter.
Si pasojë e sulmit nga një grup paraushtarak serb në Banjskë, vdiq rreshteri i Policisë së Kosovës, Afrim Bunjaku dhe tre anëtarë të grupit të armatosur.
BE-ja ka thënë se është duke pritur hetim të plotë para se të marrë ndonjë vendim. Institucionet e Kosovës vazhdimisht kanë bërë thirrje që Serbia të sanksionohet, pasi ka dëshmi se ajo qëndron pas sulmit.
At EPC, I met with HRVP @JosepBorrellF to discuss Serbia’s act of aggression against Kosovo.⁰
— Vjosa Osmani (@VjosaOsmaniPRKS) October 7, 2023
Serbia must be held accountable for its clear violation of Article 3 of the EU agrmt. of 27 Feb, which provides for the obligation to refrain from the threat or use of force. pic.twitter.com/eDgBd6WdyJ
Rruga Press