Osmani: Me Qendrën e Kërkim-Shpëtimit, FSK-ja po i tregon botës rëndësinë e shpëtimit të jetëve

Komandantja Supreme e Forcës së Sigurisë së Kosovës, Vjosa Osmani, ka thënë se Forca e Sigurisë së Kosovës (FSK), nëpërmjet Qendrës së kërkim-shpëtimit, i ka treguar botës rëndësinë e shpëtimit të jetëve.

Osmani nga Qendra Ndërkombëtare e Trajnimit për kërkim-shpëtim e FSK-së, ku është përmbyllur ushtrimi ndërkombëtar i kërkim-shpëtimit “Kosova Resolve 2023”, ka thënë se qëndron para pjesëtarëve të FSK-së më krenari dhe e impresionuar.

“Unë qëndroj para jush e impresionuar dhe me krenari absolute për punën e shkëlqyer që ekipi ynë i shpëtimit ka kryer, kjo është një ditë vërtetë e mirë. Qendra stërvitore e ekipit ndërkombëtar të Kosovës për kërkim-shpëtim vazhdon të bëjë një punë të madhe brenda dhe jashtë Kosovës”, ka theksuar Osmani.

Sipas saj FSK-ja dhe Qendra e kërkim-shpëtimit, po ecin me shpejtësi drejt zhvillimit të aftësive të veçanta për të kontribuar në paqe.

Osmani, mes tjerash, tha se kjo Qendër po mbledh pjesëtarë nga e gjithë bota.

“Ky eveniment mblodhi së bashku 16 pjesëtarë nga Hungaria, Italia, Malta, Irlanda e Veriut, Portugalia, Turqia dhe Mbretëria e Bashkuar, të cilët ndoqën kursin dhe ushtrimet duke demonstruar aftësi profesionale në kërkim-shpëtim dhe duke shkëmbyer njohuri dhe praktika më të mira për të shërbimet e kërkim-shpëtimit kudo në botë”, ka deklaruar Osmani.

Ajo ka folur edhe për mision e FSK-në gjatë tërmetit në Turqi.

“Fatkeqësia në Turqi tregoi tek të gjithë rolin e kërkim-shpëtimit në shpëtimin e jetëve, shumë nga pjesëtarët e kërkim-shpëtimit nga FKS-ja që ishin në Turqi për të kryer këtë mision dhe na kanë bëtë të gjithëve krenarë për shërbimin që kryen dhe lutjet tona janë me të gjithë viktimat dhe të mbijetuarit në Turqi”, ka theksuar Osmani.

Rruga Press