Osmani – Lajçakut: Grupet kriminale në veri duhet të përballen me drejtësinë

July 4, 2023 User2

Presidentja Vjosa Osmani ka bërë të ditur se në takimin e së hënës me përfaqësuesin special të Bashkimit Evropian për dialogun Kosovë-Serbi, Miroslav Lajçak, është diskutuar mbi sfidat aktuale politike dhe të sigurisë, veçanërisht për veriun e vendit, përpjekjet për deeskalim të situatës dhe për nevojën për zbatim të marrëveshjes së Brukselit dhe aneksit të Ohrit.

Në komunikatën për media të lëshuar nga Zyra e Presidentes, thuhet se Osmani në këtë takim ka thënë se grupet kriminale dhe individët që kanë ushtruar dhunë ndaj policisë, gazetarëve dhe pjesëtarëve të KFOR-it e EULEX-it, duhet të përballen me drejtësinë.

Lexo më shumë Kroacia: Bombarduesi amerikan B-52 fluturon mbi vendet anëtare të NATO-s në Evropë

“Presidentja Osmani ka theksuar se institucionet e Kosovës janë të përkushtuara që së bashku me partnerët ndërkombëtarë t`i tejkalojnë sfidat aktuale dhe se Kosova ka demonstruar vullnet për deeskalim, duke ofruar organizimin e zgjedhjeve të reja në veri të vendit, në përputhje me kornizën ligjore të Kosovës. Presidentja Osmani ka theksuar se Kosova mbetet e palëkundur në synimin e saj për paqe dhe stabilitet në vend dhe rajon”, thuhet më tej në njoftimin e Zyrës së Presidencës.

Lexo më shumë Këshilli Prokurorial i Kosovës po vazhdon të dëshmojë se nuk është i pavarur, por i lidhur me interesa të vjetra që i tremben reformës në drejtësi

Rruga Press