Oseku: Kush e bllokon përfaqësimin e Rashiqit, i hap rrugë Radoiçiqit

August 26, 2025 user 1

Shkruan Frashër Oseku, veteran i luftës

PDK dhe LDK sot e treguan për të satën herë se për pushtet janë të gatshëm ta përdhosin çdo parim. Kishin mundësinë historike ta mbështesin një serb që e pranon shtetin e Kosovës, që flet shqip, që e njeh realitetin e pasluftës – Nenad Rashiqin. Por jo! Zgjodhën ta bllokojnë konstituimin e Kuvendit, vetëm e vetëm që ta forcojnë pozicionin e Listës Serbe – partisë që e feston Vuçiqin, që lavdëron Mlladiçin, që i thur himne kriminelëve të luftës.

Lexo më shumë Seminarit të 44-të Ndërkombëtar për Gjuhën, Haxhiu kërkon më shumë mbështetje për shqipen në epokën digjitale

Në vend se të bashkëpunonin për ta përfaqësuar komunitetin serb me dinjitet, pa ndikim nga Beogradi, ata zgjodhën heshtjen, bojkotin dhe kalkulimet e vogla. E gjithë kjo për t’i bërë dëm jo vetëm VV-së, por shtetit të Kosovës.

Turpi t’ju mbuloft, sepse nuk është ky veprim kundër një partie – është veprim kundër një shansi të rrallë për integrim të vërtetë. Sot e përkrahët Listën Serbe, jo me votë të drejtpërdrejtë, por me sabotim të qëllimshëm.

Lexo më shumë Shifrat alarmante/ Pensionistët në Shqipëri në gjendje të mjeruar, të fundit në Evropë

Kush e bllokon përfaqësimin e Rashiqit, i hap rrugë Radoiçiqit. Dhe kjo është përgjegjësi që do t’ju ndjekë.

Rruga Press