Opozitarja ukrainase Timoshenko i përgjigjet Trump: Zgjedhjet janë të pamundura në kohë lufte, Zelensky mbetet legjitim

February 20, 2025 user 1

Vetëm ukrainasit kanë të drejtë të vendosin se kur dhe si do të bëhet ndryshimi i pushtetit. I këtij mendimi është opozitarja ukrainase Yulia Timoshenko, për të cilën komentet e fundit të Donald Trump rreth presidentit ukrainas, Volodymyr Zelensky, nuk kanë asnjë kuptim.

Sipas Timoshenkos referuar faktit se Trump kërkon zgjedhje të menjëhershme në Ukrainë dhe se Zelensky nuk ka as 4% mbështetje është e pamundur që votimet të mbahen në kohë lufte.

Lexo më shumë Ekonomia e Putinit nën presion: Bursa ruse në rënien më të rëndë që nga viti 1997

Ndaj, mbi këtë premisë, ajo ka theksuar se Zelensky mbetet legjitim në pozitën e tij.

Për më tepër, ajo e ka vënë piketën mbi këtë fakt, duke shtjelluar se janë vetë ukrainasit, të cilët po luftojnë me agresionin rus të Vladimir Putin prej tre vjetësh, ata të cilët kanë të drejtën të vendosin se kur dhe si do të bëhet ndryshimi i pushtetit. /KosovaPost/

Lexo më shumë Gjiri Persik në “alarm të kuq” për 24 orët e ardhshme, ShBA s’i ndal sulmet ndaj Iranit

Rruga Press