OKB: Mbi 20.000 fëmijë në Gazë kanë mbetur me aftësi të kufizuara

Të paktën 21,000 fëmijë në Gazë kanë mbetur me aftësi të kufizuara që nga fillimi i luftës midis Izraelit dhe Hamasit, ka thënë të mërkurën një komitet i Kombeve të Bashkuara. 

Rreth 40,500 fëmijë kanë pësuar lëndime që nga fillimi i luftës, teksa më shumë se gjysma e tyre kanë mbetur me aftësi të kufizuara, ka thënë Komiteti i OKB-së për të Drejtat e Personave me Aftësi të Kufizuara, raporton The Guardian.

Ndërkohë, tanket dhe automjete ushtarake janë parë të mërkurën përgjatë kufirit izraelit me Gazën.

Kjo vjen ndërsa Izraeli të martën filloi mobilizimin e dhjetëra mijëra rezervistëve, teksa vazhdojnë paralajmërimet për evakuim si pjesë e planit të tij për të zgjeruar ofensivën në Qytetin e Gazës, e cila ka shkaktuar kundërshtim brenda dhe jashtë vendit.

Rruga Press