OBSH: 50% e popullatës së Evropës do infektohet me Omicron brenda 8 javëve

Organizata Botërore e Shëndetësisë ka paralajmëruar se gjysma e Evropës do të jetë infektuar me variantin Omicron të Covid-19 brenda 6 ose 8 javësh. BBC shkruan se kreu i OBSH në Evropë, Hans Kluge tha se një valë batice e Omicron nga perëndimi në lindje po përfshinte të gjithë rajonin.

Projeksioni u bazua në shtatë milionë raste të reja të raportuara në të gjithë Evropën në javën e parë të vitit 2022. Numri i infeksioneve është dyfishuar në një periudhë dy javore.

“Sot, varianti Omicron përfaqëson një valë të re baticore nga perëndimi në lindje, duke përfshirë rajonin në majë të valës Delta që të gjitha vendet po menaxhonin deri në fund të vitit 2021,” tha Kluge.

Ai citoi Institutin për Metrikën dhe Vlerësimin e Shëndetit me bazë në Seattle, e cila parashikon se më shumë se 50 përqind e popullsisë në rajon do të infektohet me Omicron në 6 deri në 8 javët e ardhshme. Ai tha se vendet evropiane dhe të Azisë Qendrore mbeten nën presion intensiv pasi virusi u përhap në vendet perëndimore të Ballkanit.

Studimet e fundit sugjerojnë se Omicron ka më pak të ngjarë t’i sëmurë njerëzit rëndë sesa variantet e mëparshme të Covid. Por Omicron është ende shumë ngjitës dhe mund të infektojë njerëzit edhe nëse janë plotësisht të vaksinuar.

Rruga Press