O’Brien vendeve të Ballkanit Perëndimor: Bëni reforma që të lëvizni më lirshëm drejt BE-së

January 22, 2024 User2

Ndihmës Sekretari Amerikan i Shtetit për Çështjet Evropiane dhe Euroaziatike, James O’Brien ka dhënë një mesazh nga takimi me liderët e vendeve të Ballkanit Perëndimor në Shkup.

Në çelje të takimit James O’Brien tha se nëse vendet e Ballkanit Perëndimor, bëjnë reforma te caktuara atëherë njerëzit këtu do të lëvizin më lirshëm drejt BE-së, duke përfshirë këtu edhe kapitalin.

Lexo më shumë Shtohet popullsia mbi 65 vjeç, Shqipëria po kthehet në një azil të madh

“Nëse bëni reforma të caktuara atëherë njerëzit tuaj lëvizin me lirshëm drejt BE-së, duke përfshirë këtu edhe kapitalin. Kemi përfaqësuesit e gjashtë vendeve. Do të zhvillojmë dy ide: idetë praktike për të ecur përpara dhe strategjitë”, tha O’Brien.

Kurse Gert Jan Kopmann, Drejtor i Përgjithshëm për Fqinjësinë dhe Negociatat e Zgjerimit në Komisionin Evropian, tha se sot është në vëmendje taktika sesi vendet e Ballkanit Perëndimor do të punojnë për të përshpejtuar rritjen dhe afrimin me BE-në.

Lexo më shumë Arsimi i lartë në Shqipëri në udhëkryq, universitete pa cilësi dhe të diplomuar pa punë

“Sot do të diskutojmë tregun e përbashkët. Jemi të inkurajuar të shohim energjinë e liderëve të Ballkanit”, tha Kopmann.

Një fjalë e mbajti edhe kryeministri Albin Kurti i cili u shpreh se fati i Kosovës është në BE.

Rruga Press