Nuk është problem për Ramën kur e miklon vetë Greqinë dhe e lejon ministrin grek të flasë për minoritet në Himarë

Enis Sulstarova

Nuk është problem për Ramën kur e miklon vetë Greqinë dhe e lejon ministrin grek të flasë për minoritet në Himarë.

Nuk është problem për Ramën që mashtron shqiptarët për detin dhe në vend që ta adresojë çështjen dypalëshe në Gjykatën e Hamburgut, që është e specializuar për këtë, e çon në Gjykatën e Hagës, që Greqia ta tërheqë për hunde Shqipërinë.

Nuk është problem për Ramën që qytetarët shqiptarë me origjinë nga Çamëria nuk lejohen nga Greqia të kthehen në vatrat e veta dhe as të gëzojnë pronat e veta në atë shtet.

Problem për Ramën është kur mediat greke shkruajnë për pazaret e Ramës me oligarkët, krimin e organizuar dhe familjen Tramp. Fakti që mediat greke mashtrojnë për gjoja grekë të Zvërnecit, nuk do të thotë që Rama po bën patriotizëm me privatizimin e bregdetit dhe të parqeve kombëtare.

Ai po bën atë që bëjnë despotët: shesin pjesë të atdheut për të qëndruar në pushtet.

Rruga Press