Një kryeministër-fëmijë
Shkruan Silvana Kola Loka
Ka një libër-teori shumë interesante në lëmin e psikologjisë me titullin “Games people play” (Lojërat që njerëzit luajnë), sipas të cilës secili nga ne luan role të ndryshme në këtë ‘lojën e madhe që quhet jetë’.
Sipas teoricienit të saj, Erik Bern, secili nga ne, përgjatë gjithë jetës, luan rolin e fëmijës, prindit apo të rriturit, sipas situatës sociale që na paraqitet.
Unë besoj se të gjithë ne mbetemi nga pak fëmijë edhe kur bëhemi krejt të moshuar. Vetëm se, maturimi dëshmohet kur e luajmë rolin e fëmijës në momentin e duhur, për veten dhe shoqërinë.
Një kryeministër i veshur me kostum, brenda mureve të një institucioni mëse zyrtar, që luan ‘fëmijën’, është në rastin më të mirë një njeri i papjekur, dhe në rastin më të keq një delirant krejt i shkëputur nga realiteti. Në të dyja rastet, një kryeministër i tillë është veçse i papërshtatshëm!
Një kryeministër që luan fëmijën mund të merret po aq seriozisht sa një fëmijë që luan kryeministrin!