Një anije turke e mallrave goditet nga sulmi me raketa ruse në portin e Khersonit – pamjet tregojnë zjarrin e shkaktuar
Një anije mallrash në pronësi turke u godit nga një raketë në portin e qytetit jugor të Ukrainës, Kherson.
Dhe si pasojë, atje është shkaktuar një zjarr, sipas pamjeve video nga vendi i ngjarjes dhe burimeve të transportit, shkruajnë mediat e huaja, përcjell Telegrafi.
Raketa goditi anijen e quajtur Tuzla të martën, tha kompania e sigurisë detare Ambrey, duke shkaktuar zjarrin.
Reuters thotë se ishte në gjendje të konfirmonte vendndodhjen nga anijet dhe ndërtesat që shiheshin në video, të cilat përputheshin me fotografitë dhe imazhet satelitore të zonës.
A Turkish owned cargo ship "Tuzla" was struck by a missile in the port of the southern Ukrainian city of Kherson.
— Clash Report (@clashreport) January 26, 2023
Ship's bridge is almost totally destroyed.
No casualties. pic.twitter.com/bCyPGgf4vn
Megjithatë Reuters nuk ishte në gjendje të konfirmonte në mënyrë të pavarur datën e filmimit të videove.
Anija, e cila është bllokuar në port që nga shkurti i vitit 2022, operohej nga Cayeli Shipping.
Një burim i anijeve tha se janë dymbëdhjetë anije turke të bllokuara në portet e Ukrainës, duke përfshirë Kherson, të cilat nuk mbulohen nga marrëveshja e drithit e ndërmjetësuar nga OKB-ja e Detit të Zi.
Rruga Press