Nga viti 1999 në Kosovë janë deminuar mbi 95 mijë mina të pashpërthyera

Në Ditën Botërore të Mjedisit FSK, ekipet e KFOR-it, dhe organizatat e tjera kanë pastruar mbi 60 milionë metra katror tokë.

Kështu bëri të ditur ministri i Mbrojtjes, Armend Mehaj i cili ka thënë se që nga viti 1999 janë deminuar mbi 95 mijë mina dhe mjete të tjera eksplozive të pashpërthyera.

Mehaj u shpreh se çdo minë e deminuar, do të thotë një jetë e shpëtuar, duke thënë se në këtë mënyrë krijohen kushtet për një mjedis më të sigurt.

“Këto rezultate janë indikator i punës së shkëlqyer të kryer nga ekipet e FSK-së të Qendrës Ndërkombëtare të Kërkim-Shpëtimit dhe organizatat tjera deminuese, falë punës së tyre janë shpëtuar shumë jetë njerëzish dhe njëkohësisht është kthyer një numër i madh i tokave për shfrytëzim nga komunitetet”, shkroi ai ndër tjera. 

Rruga Press