Nga një muaj paraburgim për dy të dyshuarit për spiunazh, njëri nga ta dëshmitar i një rasti në Hagë

June 6, 2024 user 1

Dy të dyshuarit e arrestuar për spiunazh do të qëndrojnë në paraburgim për 30 ditë. Kështu është vendosur nga gjyqtari i procedurës paraprake në Gjykatën Themelore në Prishtinë.

Kjo është konfirmuar nga zëdhënësja e gjykatës, Mirlinda Gashi.

Njëri prej të dyshuarve për spiunazh, është dëshmitar i një rasti në Hagë, ka konfirmuar mbrojtësi i tij, avokati Besnik Berisha.

Lexo më shumë Delegacioni i BE-së në Tiranë reagon për ligjin për portet turistike: Shqipëria duhet të shmangë çdo hap që mund të jetë në kundërshtim me angazhimet për mbylljen e Kapitullit 27 me BE-në

“Është dëshmitar i prokurorisë që ta dini ju edhe ne Hagë, rastin në Prokurori, ai na tha neve publikisht, unë e thash në seancë”, ka deklaruar Berisha, mbrojtës i B.Sh.

Berisha ka thënë se klienti i tij mendon se po persekutohet nga biznese si rezultat i punës së tij të mëhershme.

B.Sh. dhe M.Q. dyshohen për spiunazh. Ndaj tyre të enjten u caktua masa e paraburgimit prej një muaji./BetimipërDrejtësi

Lexo më shumë Një milion evropianë i kërkojnë BE-së të pezullojë marrëveshjen e asociimit me Izraelin për ‘krimet në Gaza’

Rruga Press