KryesoreOpinion/Aktualitet

Biri i atij që UÇK-në e akuzoi për krime lufte, sot bën thirrje që bijën e Jusuf Gërvallës ta zëvendësojë nipi i Mehmet Maliqit

Shkruan Jeton Sopa

Mehmet Maliqi në vitet e 80-ta ka qenë shef i UDB-së për Kosovë organizatës famëkeqe serbe e cila ka vrarë persekutuar e burgosur me mijëra shqiptarë të Kosovës.

Bashkëveprimtarët e heronjve Jusuf e Bardhosh Gërvalla, e Kadri Zeka të cilët u vranë në vitin 1982 nga UDB-ja e kanë akuzuar Mehmet Maliqin si njeriun kryesor që i ka organizuar këto vrasje së bashku me Selim Broshen.

Sot 40 vite më pas i biri i babës të cilin e ka trajtuar UÇK-ja si bashkëpuntor të Serbisë dhe i cili publikisht e ka akuzuar UÇK-në për krime lufte, krerët e së cilës ndodhen sot duke u gjykuar në Hagë, po bënë thirrje që bijën e heroit Jusuf Gërvalla ministren Donika Gërvalla duhet ta zëvendësoi në udhëheqje nipi i Mehmet Maliqit.

Lexo më shumë  Murati dorëzon kallëzim penal ndaj Ramës për keqpërdorim të 2.2 milionë eurove nga projekti me BERZH-in

“Mëkati im i vetëm është se jam i biri i Mehmet Maliqit” pati thënë dikur në një intervistë “analisti” i mirënjohur Shkëlzen Maliqi birin e të cilit tash po lobojnë për ta zëvendësuar ministren Donika Gërvalla.

Krejt kjo ndoshta edhe mund të jetë rastësi por kur e mendon që gjithë këtë frymëzim e paska marrë pasi e paska përcjellur nipin e Mehmet Maliqit në një intervistë te Klani i Devollëve me letra të Serbisë emisionin e të cilit e udhëheq biri i një ish- prokurori që i ka persekutuar e burgosur patriotët shqiptar siç ka thënë frik Nasim Haradinaj, atëherë e kupton se kjo nuk është bash rastësi…!

Kadal djema çka keni marr haz kështu?

Lexo më shumë  Estonia mbyll kufirin me Rusinë

Ju pse po mundeni me jetu dhe vepru lirshëm në Republikën e Kosovës kjo nuk do të thotë se do të vini përsëri në pozita ku mundeni me vendosë për shtetin e fatin tonë ashtu siç vendosen baballarët tuaj sepse për këtë gjë tashmë ka vendosur gjaku i mijëra heronjve e martirëve.

Ne edhe falim por kurrë nuk harrojmë…

se kush jini e shka jini
se kah shkoni e se kah vini
plang e shpi se kah i kini.

siç ka thënë para 100 vitesh i madhi Gjergj Fishta.

YouTube player