Nga bllokada opozitare deri te vizioni i Albin Kurtit për t’ia shkulur rrënjët Listës Srpska

August 26, 2025 user 1

Shkruan Xhevdet Pozhari

Nga prilli deri më sot, Vetëvendosje ishte bllokuar radikalisht: LDK kishte qëndrimin absurd “s’votojmë askënd”. PDK e AAK, me kushtet e veta.

Pothuajse 6 muaj kështu. Sot u votua Dimal Basha për Kryeparlamentar.

VV pati mundësinë që nga sot t’ia kthejë me të njëjtën monedhë opozitës duke ia kushtëzuar dhe bllokuar nënkryetarët. Madje, edhe kam pritur se do ta bëjë. Por, veproi më mençur.

Lexo më shumë Krasniqi u drejtohet ambasadorëve: Shqetësimi duhet të jetë ngulfatja e demokracisë nga Lista Serbe dhe jo heshtja ndaj bllokimit të votës së mërgatës

Sot VV tha: “Opozita na ka bllokuar, por armiku ynë kryesor është Serbia.”

U votuan në pako nënkryetarët dhe beteja u zhvendos te Lista Srpska. Karshi Srpskës, VV mbështeti fuqishëm Nenad Rashiqin, deputetin serb që gjithmonë ka qenë lojal ndaj shtetit të Kosovës.

Dhe këtu u rrëzua e gjithë opozita.

VV votoi kundër çdo propozimi të Srpskës. Opozita? Abstenim! E kur erdhi radha e Nenad Rashiqit, VV votoi PRO, opozita përsëri abstenoi/nuk votoi.

Lexo më shumë Hetimi për mashtrim ndaj Mogherinit/ Zv. Presidentja e KE-së, Mînzatu: Janë para të taksapaguesve, besimi në BE duhet të mbrohet

Pra, për opozitën, Nenad Rashiq – që gjithnjë ka qenë lojal ndaj Kosovës – është i njëjtë me Igor Simiqin që Kosovën e quan “Kosovo e Metohi” dhe që realisht udhëhiqet nga Radojçiqi.

Çka me fol më shumë për këtë mjerim opozitar? Ndërkaq, Albin Kurti edhe një herë dëshmoi se është mjeshtër i politikës.

Rruga Press