Bota

Nestoroviq pranon se rusët po ndërhyjnë në formimin e qeverisë në Serbi dhe se i thanë atij të formonte shumicën me partinë e Vuçiqit

Mjeku kontrovers, teoricieni i konspiracionit dhe themeluesi i lëvizjes “Ne-zëri i popullit”, Branimir Nestoroviq, ka bërë të ditur se ka kontakte me administratën ruse, e cila, siç ka thënë ai, i ka sugjeruar që të formojë qeverinë me Partinë Përparimtare Serbe të Aleksandar Vuçiqit.

Sipas mediave serbe, Nestoroviq iu referua deklaratës nga zëdhënësja e Ministrisë së Jashtme të Rusisë, Marija Zakharova, e cila së fundi tha se “Perëndimi dëshiron t’i detyrojë serbët të sakrifikojnë interesat e tyre themelore, duke përfshirë mbrojtjen e bashkatdhetarëve të tyre”, shkruajnë mediat serbe.

Ajo tha se kjo mund të shihet jo vetëm në Kosovë, por edhe në Bosnje-Hercegovinë.

Andaj, siç ka pretenduar Zakharova, “përballë këtyre sfidave, në veçanti kërkohet uniteti i klasës politike të Serbisë dhe aftësia e saj për të marrë përgjegjësinë për të ardhmen e vendit”.

“Në këtë kontekst, një rol të veçantë kanë forcat patriotike që tashmë e kanë dëshmuar veten dhe ato që sapo po fitojnë autoritet në shoqëri. Shumë varet nga vullneti i tyre për t’u bashkuar dhe për të mbrojtur bashkërisht interesat themelore të popullit serb, për të siguruar stabilitetin e qeverisë në të gjitha nivelet, në mënyrë që të zhvillohen dhe zbatohen zgjidhje të qëndrueshme për çështjet kyçe të qeverisë”, citohet të ketë thënë ajo.

Lexo më shumë  Ndihmësja e Navalnyt thotë se ai u vra teksa po negociohej për këmbimin e tij

Dhe nga ana tjetër, vlerësojnë mediat serbe, Nestoroviq nuk e fshehu se ishte pak a shumë një mesazh i drejtpërdrejtë për të dhe lëvizjen e tij.

“Kjo është një thirrje direkte për ne. Madje kemi pasur disa kontakte me disa persona nga…. Le të themi njerëz nga administrata ruse që na sugjeruan ta mbështesim këtë opsion (me Partinë Progresive Serbe)…”, ka thënë ndër tjerash Nestoroviq.

Nestoroviq arriti një sukses në zgjedhjet e dhjetorit në Serbi pas së cilave, lista e tij do të ketë 13 deputetë në parlamentin e Serbisë.

Rruga Press

YouTube player