Nëse Rusia nuk mposhtet në Ukrainë, kjo do ta fusë Amerikën në luftë

Sfiduesja për kandidate për president të SHBA-së brenda Partisë Republikane, rivalja kryesore e ish presidentit Trump, Nikki Haley, në një fjalim të fushatës së saj, ka ndezur sirenat e alarmit sa i përket neglizhimit të faktorit rus e kinez në rendin global, luftës në Ukrainë dhe kërcënimit kinez në Tajvan. Ajo e quan Putinin një bandit që po kryen krime në Ukrainë.

Por, ajo rithekson se mos suksesi i Ukrainës dhe Perëndimit ndaj agresionit Rus do të kishte pasoja të rënda për Europën dhe Amerikën. “ Nëse Rusia nuk mposhtet në Ukrainë, Putini do t’i sulmojë vendet e Natos, e kjo do ta fusë Amerikën në luftë” Në fund kandidatja Haley, shton se historia e afërt tregon se duhet t’i besojmë Kinës kur kërcënon Tajvanin, ashtu sikurse duhet besuar Putini kur kërcënonte Ukrainën.

Pra, do të duhej që Perëndimi të ishte shumë më i përgatitur për të zbrapsur këto agresione. Nikki Haley përndryshe ish Guvernatorja e Karolinës së Jugut, është indiano amerikania e parë që ka shërbyer në një kabinet presidencial, si ambasadore e SHBA-ve në OKB gjatë viteve 2017-2018. Ajo është bashkëshorte e Michael Haley, i cili ka origjinë shqiptare, që publikisht e ka pranuar një gjë të tillë.

Lexo më shumë  Tre skenarë që mund të pasojnë suksesin e protestës qytetare në Shqipëri

Rruga Press