Nënkryetari i Mariupolit thirrje NATO-s: Dërgoni trupat në Ukrainë, Putini nuk ndalet, ka në plan të vrasë shumë civilë

Nënkryetari i Bashkisë së Mariupolit ka kërkuar nga NATO që të dërgojë trupat e tij në Ukrainë, duke shtuar se Rusia nuk ka ndërmend të ndalet deri kur ta kthejë vendin në një shkretëtirë e të vrasë shumë civilë.

Sergei Orlov tha për programin Today të BBC Radio 4: “Nuk ka asnjë mënyrë për ta ndaluar Putinin të vrasë civilët tanë nga qielli deri kur NATO të zgjohet dhe të kuptojë se nuk është një konflikt rajonal, është një luftë kundër demokracisë, kundër lirisë, kundër një prej kombet më të mëdhej evropiane”.

“Duket sikur [udhëheqësit e NATO-s] nuk e kuptojnë se Putini nuk do të ndalet, ata janë të frikësuar dhe kjo është për të ardhur keq.

Dhe ne presim që një ditë udhëheqësit e NATO-s të kuptojnë se është plotësisht e nevojshme t’i ofrohet mbështetje direkte ushtarake Ukrainës për të ndaluar Putinin ose të paktën të mbyllë qiellin tonë për të na mbrojtur nga kërcënimi nga qielli.”

Ai thotë se presidenti rus Vladimir Putin dëshiron të krijojë një shkretëtirë për të zgjidhur çështjen e Ukrainës, por ai thotë se “është e pamundur të marrim qytetet tona, sepse qyteti nuk janë ndërtesat, qyteti janë njerëzit”.

Ai shton: “Ne tashmë e kuptojmë se ai është gati të vrasë sa më shumë civilë që i nevojiten.”

Banorët e qytetit-port ukrainas të Mariupolit i kanë thënë BBC-së se po përpiqen t’i mbijetojnë një breshërie të pamëshirshme të bombardimeve ruse që kanë shkatërruar lagjet e banuara dhe kanë ndërprerë furnizimin me energji dhe ujë.

Rruga Press