Lajme

Negociatat/ Santos: Shqipëria gati për mbajtjen e konferencës së parë ndërqeveritare

Raportuesja për Shqipërinë në Parlamentin Europian, Isabel Santos ka publikuar një komunikatë për shtyp, pas tre ditësh të një misioni faktmbledhës në Shqipëri.

Në këtë komunikatë, raportuesja Santos konsideron, se  Shqipëria është gati për mbajtjen e konferencën së parë ndërqeveritare  dhe Këshilli i ministrave i Bashkimit Europian duhet ta bëjë këtë realitet.

Sipas Santos vendi ka përmbushur të gjitha kriteret dhe ka bërë gjithçka që i është kërkuar për të nisur negociatat e anëtarësimit me Bashkimin Europian. Santos u bëri thirrje vendeve anëtare të Bashkimit Europian që më në fund të caktojnë një datë për mbajtjen e konferencës së parë ndërqeveritare (IGC).

Në të njëjtën kohë, ajo këmbënguli se që përpjekjet për procesin e zgjerimit të kenë sukses, duhet të mbizotërojë dialogu dhe bashkëpunimi mes mazhorancës shqiptare dhe opozitës ndaj mosmarrëveshjeve politike.

Lexo më shumë  Kurti pret në takim Sekretaren e Përgjithshme të VEF, bisedohet për avancimin e Kosovës në këtë organizatë

Lidhur me këtë Santos është shprehur: “Unë besoj se hapja e negociatave  do të angazhonte më tej aktorët e ndryshëm politikë të Shqipërisë që të përballen së bashku me sfidat e mbetura dhe të kenë sukses në përpjekjet për ta bërë Shqipërinë anëtare të BE-së.

Prandaj jam e lumtur të shoh që pas zgjedhjeve parlamentare, Kuvendi ka mundur të rifillojë punën e tij dhe ka dialog demokratik mes mazhorancës dhe opozitës.

Ky dialog politik është vendimtar për reformën në sistemin e drejtësisë dhe vazhdimin e procesit të vetingut të të gjithë gjyqtarëve dhe prokurorëve. E njëjta gjë vlen edhe për diskutimet për reformën zgjedhore, në përputhje me rekomandimet e OSBE/ODIHR”.

Lexo më shumë  Papa në G7: Mos lejoni që makinat të vendosin cili njeri do jetojë

Santos i është referuar gjithashtu mbështetjes financiare të Bashkimit Europian në Shqipëri. “Jam vërtet e  impresionuar nga cilësia e projekteve të shumta që Bashkimi Evropian financon në Shqipëri.

Jo vetëm me fondet e para-anëtarësimit që vazhdojnë të ndahen, por edhe me ndihmën e posaçme për rindërtimin nga tërmeti – tani po shohim shumë investime të ndryshme, duke përfshirë shkolla shumë cilësore, që janë rindërtuar me ndihmën evropiane.

Ata janë prova e vërtetë që BE-ja është tashmë në Shqipëri dhe se integrimi i popullit shqiptar në BE në fakt po ndodh çdo ditë falë kësaj pune“ tha Santos.

Rruga Press

YouTube player

Leave a Reply

Your email address will not be published. Required fields are marked *