‘Ne meritojmë më shumë se buka e gojës’, qytetarët protesojnë sot

Ditën e sotme qytetarët shqiptarë do të protestojnë sërish kundër rritjes së çmimeve. Në orën 18:00, ato do të dalin përballë kryeministrisë për të kërkuar ulje të çmimeve në disa sektorë. Ata kërkojnë ulje të çmimeve duke nisur që nga buka, fruta perimet, karburanti, biletat e transporti dhe shumë sektorë të tjerë që prekin jetën e qytetarëve.

Çfarë kërkojnë qytetarët:

–Heqjen e TVSH për ushqimet e shportës.

-Uljen e TVSH-së në masën 10% të çmimit të energjisë për bizneset e vogëla dhe familjet.

-Heqjen e taksës së qarklullimit në naftë

-Heqjen e akcizës së gazit

Por çfarë ka ndodhur në vend që ka nxitur reagim popullor?

E gjitha nisi me rritjen e çmimit të bukës me 10 lekë. Paralajmërimërimet e më vonshme për rritjen e çmimit të kafes, energjisë elektrike dhe të karburanteve bënë që të qytetarët ‘të zgjiheshin’. Kreu i Qeverisë Edi Rama deklaroi se qytetarët duhet të përgatiten krizën energjitike; rritjen e çmimit të gazit me rreth 250%, atë të karbonit me rreth 80% dhe të naftës. Rama tha se kjo krizë do prekë jetën e familjeve dhe bizneseve, por qeveria do u qëndrojë pranë shtresave në nevojë, biznesit të vogël dhe konsumatorëve familjarë.

Rruga Press