Lajme

Në Bullgari takon homologun, Kurti: Diskutuam për rritjen e bashkëpunimit dhe forcimin e marrëdhënieve bilaterale

Kryeministri i Kosovës, Albin Kurti, bën të ditur se gjatë vizitës në Sofje është takuar me homologun e tij bullgar, Dimitar Glavchev, me ç’rast kanë diskutuar për shumë tema, sikur edhe forcimin e bashkëpunimit, përcjell Kosova Post.

Kryeministri Kurti ka falënderuar kryeministrin e Bullgarisë për pritjen e ngrohtë, ndërsa shprehet se diskutimi ishte i gjerë me bazë forcimin e marrëdhënieve bilaterale.

“Gjatë vizitës sime të parë në Sofje në kuadër të Forumit Ekonomik të Vienës, pata takimin e parë me kryeministrin e Bullgarisë, Dimitar Glavchev. E falënderova për pritjen e ngrohtë dhe diskutuam për fushat ku mund të rrisim bashkëpunimin dhe të forcojmë marrëdhëniet tona shumë të mira bilaterale”, shprehet kryeministri Kurti.

Rruga Press

Lexo më shumë  Kurti takim me Taravarin, zbardhen temat e diskutuara mes dy liderëve
YouTube player