Ndryshimet klimatike dhe pandemia, premtimet e qeverisë Scholz

Tre personalitete shpjeguan se si duan ta udhëheqin Gjermaninë në të ardhmen. Kancelari Scholz dhe dy zëvendës kancelarët prezantuan marrëveshjen e koalicionit një ditë përpara se të betoheshin në Bundestag.

Qëllimi i vetëshpallur i aleancës së parë qeveritare tre-partiake në Berlin është “Guxoni për më shumë progres”.

Për këtë arsye, i cilësuar koalicioni semafor, dëshiron të japë një shembull të mirë dhe ka kabinetin e parë federal me përfaqësim pothuajse të barabartë. Nën drejtimin e Scholz, janë tetë ministre gra dhe tetë ministra burra.

Edhe pse ky është më i larmishëm se kabineti i Groko, ai nuk është një revolucion. Për ish-zëvendës kancelarin e qeverisë Merkel, Scholz, fakti që SPD, të Gjelbërit dhe FDP janë bashkuar si parti shumë të ndryshme është ë një shprehje e vullnetit për të ecur përpara.

“Qeveritë janë aty për të nisur diçka, për të filluar diçka të re, diçka që na çon në të ardhmen, dhe pikërisht kjo është arsyeja pse është diçka shumë e veçantë kur themi se kjo do të jetë një qeveri e tre partive që duan të guxojnë për më shumë progres për Gjermaninë. Kjo është ajo që ka të bëjë me ne dhe ne shkojmë drejt të ardhmes si një qeveri e përbashkët”, u shpreh Scholz.

Por cilat janë disa nga premtimet e qeverisë së re?

Të Gjelbërit këmbëngulin për heqjen graduale të qymyrit deri në vitin 2030, por në marrëveshjen e koalicionit ky objektiv përmendet vetëm si një ideal, jo si një qëllim detyrues. Në vend të kësaj, energjitë e rinovueshme do të zgjerohen shumë më shpejt se sa ishte planifikuar më parë.

Sipas studimeve të ndryshme, koalicioni ka paraqitur planin më ambicioz të klimës deri më sot, por edhe ky nuk mjafton për të arritur objektivin 1.5 gradë.

Përveç kësaj, ata janë të përkushtuar për frenimin e borxhit nga viti 2023. Koalicioni pret që situata emergjente e shkaktuar nga pandemia të ketë përfunduar deri në atë kohë.

Në politikën sociale është planifikuar një reformë Hartz IV dhe një rritje e pagës minimale nga 9.60 aktualisht në 12 euro.

Në temën e dixhitalizimit, synimet janë të larta. Administrata duhet të bëhet më dixhitale, furnizimi mbarëkombëtar me fibra optike dhe do të ketë një buxhet qendror dixhital.

Në fushën e politikës së azilit dhe migracionit, partnerët e koalicionit duan të rrisin shanset që imigrantëve t’u jepet e drejta për të qëndruar dhe të bëjnë të mundur menjëherë kurset e integrimit për të gjithë.

Nga ana tjetër, dëbimet duhet të zbatohen në mënyrë më të qëndrueshme.

Rruga Press