KryesoreLajme

Ndonëse s’e njeh pavarësinë, Presidenca e Sirisë Osmanit i thotë presidente e Republikës së Kosovës

user 1

Presidenca e Sirisë së lirë ka shkruar për takimin që e pati sot presidentja e Kosovës, Vjosa Osmani, me homologun e saj sirian Ahmed al Sharaa.

Në një postim në platformën X të presidencës siriane i është referuar Osmani si presidente e Kosovës, derisa ky shtet ende nuk e ka njohur Kosovën.

“Presidenti i Republikës Arabe të Sirisë, z. Ahmad Al-Shara dhe Shkëlqesia e Tij Ministri i Punëve të Jashtme, z. Asaad Al-Shaibani, takohen me Presidenten e Republikës së Kosovës, znj. Vjosa Osmani, në margjinat e Forumit Diplomatik në Antalia”, ka njoftuar Presidenca Siriane, derisa lajmin e ka transmetuar agjencia zyrtare e lajmeve Sana.

Lexo më shumë  Hoti: Familjet e personave të zhdukur janë ende në luftë me Serbinë

“Presidenti i Republikës Arabe të Sirisë, Ahmad Al-Shara, dhe shkëlqesia e tij, Ministri i Punëve të Jashtme, Asaad Al-Shaibani, në takim me presidenten e Republikës së Kosovës, Vjosa Osmani, në margjinat e Forumit Diplomatik në Antalia”, ka thënë Osmani.

Osmani për takimin në fjalë ka thënë se populli i Kosovës dhe populli i Sirisë kanë përjetuar vuajtje të panumërta nga regjime diktatoriale e gjenocidale, në luftën e tyre për të qenë të lirë.

Ky shënon edhe takimin e parë mes tyre “për ta hapur kapituj të ri bashkëpunimi ndërmjet dy vendeve tona”.

Lexo më shumë  Ministri Maqedonci: Siguria dhe integriteti territorial, FSK-ja realizon ushtrimin fushor “Arrow Bravo 25”

“Kosova dhe Siria ndajnë plagë të njëjta: dhimbjen e luftës, shpërnguljen, e sfidat e rindërtimit, ndaj Kosova është e gatshme ta ndajë përvojën e saj në ndërtimin e institucioneve demokratike”, u shpreh Osmani për këtë takim.

Rruga Press

YouTube player
sqhrenfrdeit