NATO përfundon manovrat më të mëdha në histori që nga Lufta e Ftohtë

May 31, 2024 User2

Trupat e NATO-s do të përfundojnë sot manovrat më të madhe ushtarake nga aleanca e mbrojtjes perëndimore që nga fundi i Luftës së Ftohtë, që synon të pengojë agresionin rus.

Një seri manovrash nën emrin ”Steadfast Defender” u nis nga NATO si reagim ndaj situatës së ndryshuar të sigurisë në Evropë dhe si rezultat i pushtimit të plotë të Ukrainës nga Rusia, më shumë se dy vjet më parë.

Lexo më shumë Arabia Saudite mbyll tubacionin kryesor të naftës pas sulmit me dronë nga Iraku

Sipas selisë së NATO-s, më shumë se 90 000 ushtarë nga të 32 vendet e NATO-s si dhe 50 anije luftarake, 1 100 automjete luftarake dhe më shumë se 80 avionë luftarakë u përfshinë në stërvitjen e nisur rreth katër muaj më parë.

Stërvitja u fokusua veçanërisht në alarmimin dhe vendosjen e forcave tokësore kombëtare dhe shumëkombëshe në krahun lindor të NATO-s, nga Rrethi Arktik deri në Karpatet rumune.

Lexo më shumë Funerali i ‘papranueshëm’ i Mlladiç/ Kroacia paralajmëron Serbinë për tërheqjen e mbështetjes për në BE

Rruga Press