NATO ngre avionë luftarakë pas sulmeve raketore të Rusisë në Ukrainë
Aeroplanë luftarakë nga vendet e NATO-s, përfshirë Poloninë dhe Suedinë, u ngritën në ajër gjatë natës së 18-19 gushtit, pasi Rusia nisi një valë të re sulmesh me raketa me rreze të gjatë veprimi në territorin e Ukrainës.
Ushtria polake njoftoi se për të garantuar sigurinë e hapësirës ajrore, është aktivizuar gjendja e gatishmërisë së lartë, ndërsa avionët polakë dhe aleatë kanë filluar operacionet mbrojtëse. Në deklaratë theksohet se edhe avionët suedezë Gripen, të stacionuar pjesërisht në Poloni, kanë ndihmuar në sigurimin e qiellit polak.
Sipas Forcës Ajrore të Ukrainës, gjatë sulmit Rusia përdori 270 dronë të tipit Shahed, pesë raketa balistike Iskander-M dhe pesë raketa KH-101.
Ndërkohë, presidenti amerikan Donald Trump zhvilloi takime në Uashington me presidentin ukrainas Volodymyr Zelensky dhe udhëheqës të tjerë evropianë, në kuadër të negociatave për paqen në luftën Rusi-Ukrainë.
Rruga Press